Ikusmolde instituzionala

ZABALKETA Gobernuz Kanpoko Erakundea 1990ean sortu zen. Tokian bertan Sentsibilizazio eta Hezkuntza zereginetan jarduten du, eta nazioartean Garapenerako Lankidetzako proiektuetan. Egoitza nagusia Getxon (Bizkaia) du.

Alderdi juridikoan ELKARTE ZIBIL gisa eratuta dago. Izaera demokratikoa du, akonfesionala eta independentea da, eta bere estatutuen arabera helburu du “denon interesen alde egitea, lankidetzaren eta beharrizan handiena duten pertsonen garapen ekonomiko, sozial, kultural eta hezkuntzazkoaren bitartez" (Zabalketaren estatutuetako 2. artikulua).

Zabalketa hasieran Gaztelueta ikastetxeko ikasle ohiek sustatzen dute, eta mundua bidezkoago eta solidarioagoa izan dadila lortu nahi duten borondate oneko pertsona guztiek parte hartzeko zabalik dago.

Munduan pobrezia eta bidegabekeria desagertzearen alde lan egiten dugu, GARAPENERAKO LANKIDETZAKO PROIEKTUEN bitartez. Gure zeregina arazoen diagnostikoa egiten laguntzea da, Garapen bidean dauden herrietako komunitate eta erakundeek hala eskatzen digutenean.

Gero, laguntza ematen dugu arazo horietan eraginik onena izan dezaketen jarduerak diseinatzen, jarduera horiek ondo burutzeko finantza-baliabideak bilatzen, eta esperientziak modu fidagarrian ebaluatzen eta hedatzen.

Gure ingururik hurbilenean lan egiten dugu Garapen bidean dauden herrien egoerari buruzko hezkuntza eta sentsibilizazio kanpainetan, pertsonen konpromisoa aktiboa lortu nahian. Herritar ahulenen beharrizan espezifikoei arreta egiten laguntzeko Gizarte Laguntzako egitarauak burutzen ere laguntzen dugu, bereziki immigranteei dagokienez.